Prezident bitiruvchilarni ish bilan ta'minlamagan OTM rektorlarini ogohlantirdi

Davlat rahbari Shavkat Mirziyoyev 24 fevral kuni yoshlar bilan bo'lgan uchrashuvda ta'lim muassasalari rahbarlariga qat'iy murojaat qildi. Unga ko'ra, OTM rektorlari o'z bitiruvchilarini ishga joylashtirishga, maktab direktorlari esa o'quvchilarni xorijiy til va kasb-hunarga o'rgatishga mas'ul ekani alohida ta'kidlandi.

Rektorlarga qattiq e'tirozlar

Prezident respublikadagi 157 ta oliygohdan atigi 12 tasi talabalar bilan loyiha qilib, bank krediti orqali 100 nafardan ortiq yoshni tadbirkor qilganini qayd etdi. Qolgan rektorlarning faoliyati tanqid qilinib, shunday deyildi:

• Respublika bo'yicha 4-5 yil o'qitib, talabani ishli qilmagan rektorlarning lavozimda o'tirishga haqqi bormi yoki yo'qmi degan savol o'rtaga tashlandi.
• Oliyhgohni tamomlagan barcha yoshlar nima uchun 100 foiz ish bilan ta'minlanmayotgani so'roq qilindi.
• Maktabda 11 yil o'qigan bola bitta chet tilini o'rganmagani hamda direktor va o'qituvchilar uni bitta kasbga o'rgatmagani e'tirozga sabab bo'ldi.

Kelgusi rejalar va ko'rsatkichlar

O'zbekiston-2030 strategiyasida 9-sinf bitiruvchilarini kasbiy ta'lim bilan qamrab olish ko'lamini kengaytirish belgilangan. Bu ko'rsatkichni 2025 yildagi 29 foizdan 2030 yilga borib 50 foizga yetkazish ko'zda tutilgan. Shuningdek, OTM bitiruvchilarining bir yil davomida doimiy ish o'rniga ega bo'lish ulushini 65 foizga chiqarish maqsad qilingan. Ma'lumot uchun, ushbu ko'rsatkich 2025 yilda 52 foizni tashkil etgani qayd etilgan.