Qashqadaryoda 856 nafar talabaning kontrakt to'lovi qoplab beriladi

Qashqadaryo viloyatida ijtimoiy himoyaga muhtoj va o'qish xarajatlarini to'lashda qiyinchilikka uchrayotgan oilalar farzandlarini qo'llab-quvvatlash bo'yicha chora-tadbirlar amalga oshirilmoqda. Shu maqsadda viloyat hokimi Murod Azimov tomonidan tegishli qaror qabul qilindi.

Tasdiqlangan hujjatga asosan, viloyatdagi 856 nafar talaba-yoshning kontrakt to'lovlarini qoplash uchun jami 3 milliard 780 million 600 ming so'm mablag' ajratildi. Mazkur moliyaviy ko'mak oliy ta'lim olish istagida bo'lgan, biroq oilaviy sharoiti sababli to'lovni amalga oshirishda qqiynalayotgan yoshlarga yo'naltiriladi.

Qo'llab-quvvatlash yo'nalishlari

• Ehtiyojmand oilalar farzandlarining ta'lim olishini davom ettirishiga ko'maklashish;
• Xotin-qizlarning oliy ta'lim olish imkoniyatlarini yanada kengaytirish;
• Yoshlarning bilim olishi va kasbiy salohiyatini oshirish.

Ajratilgan mablag'lar orqali talabalarning o'qish jarayonini uzluksiz davom ettirishi va ularning ijtimoiy himoyasini ta'minlash ko'zda tutilgan.