Berdaq nomidagi Qoraqalpoq davlat universitetida FVV Akademiyasi vakili ishtirokida uchrashuv o'tkazildi

Berdaq nomidagi Qoraqalpoq davlat universitetida O'zbekiston Respublikasi Favqulodda vaziyatlar vazirligi Akademiyasi Rekrutment bo'limi boshlig'i, polkovnik Umidjon Hamdamov ishtirokida talaba-yoshlar bilan uchrashuv tashkil etildi.

Mazkur tadbirda universitetning kimyo-texnologiya, fizika, arxitektura, qurilish, sanoat-texnologiya, geografiya va tabiiy resurslar hamda biologiya fakultetlarida tahsil olayotgan yoshlar qatnashdi. Muloqot davomida polkovnik Umidjon Hamdamov Favqulodda vaziyatlar vazirligi Akademiyasida yaratilgan sharoitlar, ta'lim jarayonining o'ziga xos xususiyatlari hamda 2+2 ta'lim tizimi haqida batafsil tushuntirish berdi. Shuningdek, harbiy kasbning mashaqqatli va sharafli ekani, bu sohada faoliyat yuritish yuksak jismoniy tayyorgarlik, chuqur bilim, mardlik va Vatanga sadoqat talab etishini alohida ta'kidladi.

Talabalar harbiy liboslarni sinab ko'rishdi

Tadbirning eng qiziqarli qismlaridan biri talabalarning harbiy liboslarda o'zlarini sinab ko'rish jarayoni bo'ldi. Polkovnik Umidjon Hamdamov ishtirokchilarni harbiy liboslar bilan yaqindan tanishtirdi va bu holat yoshlarda katta qiziqish uyg'otdi. Tadbir yakunida esa uni tashkil etishda faollik ko'rsatgan yoshlar va tashkilotchilarga faxriy yorliqlar topshirildi.

Ushbu uchrashuv talabalarni FVV Akademiyasidagi o'qish imkoniyatlari bilan tanishtirish, ularning harbiy sohaga bo'lgan qiziqishini oshirish va Vatan oldidagi burch tuyg'usini yanada mustahkamlashga qaratildi.