Berdaq nomidagi Qoraqalpoq davlat universitetida yangi o'quv yili qabuliga bag'ishlangan matbuot anjumani o'tkazildi

Berdaq nomidagi Qoraqalpoq davlat universitetida 2026-2027 o'quv yili uchun qabul jarayoniga oid yangiliklar va yaratilayotgan imkoniyatlarni keng jamoatchilikka yetkazish maqsadida "Yangi o'quv yili uchun qabul jarayoni: yangiliklar va imkoniyatlar" mavzusida matbuot anjumani tashkil etildi.

Tadbirda oliygoh rahbariyati, qabul komissiyasi mas'ullari, professor-o'qituvchilar hamda ommaviy axborot vositalari vakillari qatnashishdi. Anjumanda yangi o'quv yiliga tayyorgarlik ko'rish, ta'lim sifatini oshirish borasidagi chora-tadbirlar va abituriyentlarga yaratilgan sharoitlar muhokama qilindi.

Qabul jarayoni va imtihonlarga tayyorgarlik

Universitet qabul komissiyasi mas'ul kotibi I. Allambergenov 2026-2027 o'quv yili uchun bakalavriat yo'nalishlariga qabulning asosiy jihatlari, hujjat topshirish tartibi hamda ko'rsatkichlari haqida to'xtaldi. Shuningdek, alohida iqtidor talab etiladigan ta'lim yo'nalishlari bo'yicha kasbiy va ijodiy imtihonlarni uyushtirish yuzasidan olib borilayotgan ishlar ma'lum qilindi.

Tadbir davomida qabul jarayonlarining ochiq-oshkoraligini ta'minlash, abituriyentlar hamda ularning ota-onalarini zarur ma'lumotlar bilan o'z vaqtida xabardor qilish masalalariga alohida e'tibor qaratilishi ta'kidlandi. OAV vakillarining savollariga universitet rahbariyati va mas'ullari tomonidan batafsil javoblar berildi.