Jahon iqtisodiyoti va diplomatiya universitetida “O'zbekiston – 2030” strategiyasiga bag'ishlangan tadbir o'tkazildi

Jahon iqtisodiyoti va diplomatiya universitetida “Mahallani rivojlantirish va jamiyatni yuksaltirish yili”da ustuvor yo'nalishlar bo'yicha islohotlar dasturlarining targ'ibotiga bag'ishlangan “Fikrlar marafoni” tadbiri tashkil etildi.

Islohotlar mazmun-mohiyati va ustuvor vazifalar

«Taraqqiyot strategiyasi» markazi bilan hamkorlikda o'tkazilgan mazkur tadbirda Prezidentning “O'zbekiston – 2030” strategiyasini amalga oshirish bo'yicha Davlat dasturi to'g'risida”gi farmoni loyihasi hamda “Mahallani rivojlantirish va jamiyatni yuksaltirish yili” doirasidagi vazifalar muhokama qilindi. Ishtirokchilarga mahalla institutini mustahkamlash, aholi farovonligini oshirish, davlat xizmatlari sifatini yaxshilash va jamoatchilik nazoratini kuchaytirish chora-tadbirlari haqida batafsil ma'lumotlar berildi.

Talabalar ishtiroki va takliflar

Tadbir davomida yoshlarga strategiyaning ijtimoiy-iqtisodiy rivojlanish sur'atlarini jadallashtirish, davlat boshqaruvi samaradorligini oshirish hamda qonun ustuvorligini ta'minlashdagi o'rni tushuntirildi. Shuningdek, talabalarning islohotlar jarayonidagi faol ishtirokini rag'batlantirish masalalariga alohida e'tibor qaratildi. Uchrashuv davomida talabalar tomonidan bildirilgan fikr-mulohazalar, taklif va tashabbuslar tinglanib, ularni kelgusida amaliyotga tatbiq etish imkoniyatlari ko'rib chiqildi.