Ma'mun universitetida jurnalist va blogerlar uchun press-tur tashkil etildi

Ma'mun universitetida ommaviy axborot vositalari xodimlari hamda blogerlar ishtirokida maxsus press-tur tashkil etildi. Tadbir davomida mehmonlar oliygoh hududi, o'quv auditoriyalari, talabalar uchun yaratilgan sharoitlar va zamonaviy ta'lim muhiti bilan yaqindan tanishdi. Jurnalistlarga universitetning ilmiy salohiyati hamda yangi ish boshlagan Ilmiy-tadqiqotlar va innovatsion rivojlanish markazining faoliyati namoyish etildi.

Ilmiy markaz taqdimoti va trening

Yangi tashkil etilgan ilmiy markaz bo'yicha o'tkazilgan taqdimotda uning asosiy faoliyat yo'nalishlari, amalga oshirilayotgan ilmiy loyihalar va kelgusidagi rejalar batafsil tushuntirildi. Shundan so'ng, filologiya fanlari doktori, dotsent Beruniy Alimov tomonidan yoshlarning internet va ijtimoiy tarmoqlardan xavfsiz foydalanish ko'nikmalarini oshirish hamda media savodxonlikni rivojlantirishga bag'ishlangan maxsus trening o'tkazildi. Mazkur mashg'ulot davomida ishtirokchilar internet xavfsizligi, axborotni tanqidiy tahlil qilish va media savodxonlikni yuksaltirish bo'yicha muhim bilimlarga ega bo'ldilar.

Press-tur yakunida oliygoh ma'muriyati va mas'ul mutaxassislari ishtirokchamlarni qiziqtirgan barcha savollarga atroflicha javob qaytardilar.