Navoiy davlat konchilik va texnologiyalar universitetiga 2600 nafardan ortiq talaba qabul qilindi

Navoiy davlat konchilik va texnologiyalar universitetida 2026/2027-o'quv yili qizg'in boshlandi. Talabalikka ilk qadam qo'ygan yoshlarni tantanali kutib olish marosimida universitet jamoasi, professor-o'qituvchilar, ota-onalar va talabalar ishtirok etdi.

Tadbir davomida so'zga chiqqan universitet rektori B. Mardonov yoshlarni tabriklab, bilim maskanida yaratilgan imkoniyatlardan unumli foydalanish hamda o'z sohasining yetuk mutaxassisi bo'lishlari uchun tilaklarini bildirdi. Shuningdek, marosim doirasida eng yuqori ball to'plagan bir guruh talabalar munosib taqdirlandi.

Talabalikka qabul qilinganlar soni

Yangi o'quv yilida Navoiy davlat konchilik va texnologiyalar universitetiga quyidagi ko'rsatkichlar bo'yicha yoshlar qabul qilindi:

• Kunduzgi, kechki va masofaviy ta'lim shakllari bo'yicha 26 ta yo'nalishda 2 ming 361 nafar bakalavr.
• Kunduzgi va kechki ta'lim shakllari bo'yicha 24 ta mutaxassislikka 257 nafar magistr.
• Jami 2 ming 618 nafar yoshlar universitetning 1-kurs talabasi bo'lishdi.