Oliy ta'lim muassasalari talabalarining amaliy ko'nikmalariga oid so'rov natijalari ma'lum qilindi

Prezident Shavkat Mirziyoyev Xorazm viloyati misolida aholi bandligini ta'minlash va kambag'allikni qisqartirish bo'yicha chora-tadbirlar taqdimoti bilan tanishdi. Tadbirda bandlik sohasidagi asosiy muammolardan biri sifatida vakansiyalar bilan ish izlayotganlarning kasbiy tayyorgarligi o'rtasidagi tafovut ta'kidlab o'tildi. Hozirda 50 mingdan ziyod bo'sh ish o'rni mavjud bo'lsa-da, malakali kadrlar yetishmasligi sezilmoqda.

Ta Taqdimot davomida o'tkazilgan so'rovlarga ham e'tibor qaratildi. Unga ko'ra, oliy ta'lim muassasalari talabalarining 63 foizi o'qish davrida yetarli amaliy ko'nikmalarni olmayotganini qayd etgan. Shu munosabat bilan kasb-hunarga o'qitish tizimini mehnat bozori talablaridan kelib chiqqan holda qayta ko'rib chiqish vazifasi qo'yildi.

Amaliy ko'nikmalarni kuchaytirish vazifalari

• O'rta maxsus va professional ta'lim muassasalarida amaliy tayyorgarlik darajasini yanada oshirish;
• Oliy ta'lim tashkilotlarining salohiyatidan aholini kasbga o'qitishda keng foydalanish;
• Universitetlarda kunning ikkinchi yarmida talabalarning kasbiy va amaliy ko'nikmalarini rivojlantirishga qaratilgan mashg'ulotlarni tashkil etish.