Oliy ta'limdagi kredit-modul va masofaviy o'qish tizimlari qanday qulayliklar yaratadi

Mamlakatimiz oliy ta'lim tizimida keng ko'lamli islohotlar doirasida kredit-modul tizimi, masofaviy ta'lim shakli hamda jarayonlarni raqamlashtirish ishlari jadal olib borilmoqda. Shu munosabat bilan O'zbekiston Respublikasi Oliy ta'lim, fan va innovatsiyalar vazirligi bo'lim boshlig'i Alijon Xo'jayev ishtirokida maxsus suhbat tashkil etildi.

Kredit-modul va masofaviy ta'lim imkoniyatlari

Suhbat davomida kredit-modul tizimining talabalar uchun yaratadigan imkoniyatlari, masofaviy ta'limning an'anaviy ta'limdan farqi va u kimlar uchun qulayligi atroflicha muhokama qilindi. Shuningdek, talaba dars qoldirganda darsni qayta o'zlashtirish zarurligi, akademik qarzdorlik yoki kontrakt to'lovi kechikkan hollarda o'qishdan chetlatish masalalari ko'rib chiqildi.

HEMIS tizimi va talabalar huquqlari

Tartib-qoidalar doirasida HEMIS axborot tizimida baholarni o'z vaqtida kiritish jarayonlari, nodavlat oliy ta'lim muassasalarida o'qiyotgan yoshlarning huquqlari hamda diplom olish masalalariga alohida e'tibor qaratildi. Agar talabalar akademik yoki tashkiliy masalalarda nohaqliklarga duch kelsa, qayerga murojaat qilishi kerakligi haqida ham ma'lumot berildi.