O'zbekiston va Turkiya ta'lim muassasalari o'rtasidagi hamkorlik yo'nalishlari kengaymoqda
Saida Mirziyoyeva Istanbulga tashrifi doirasida Turkiyaning yetakchi ta'lim maskanlari tajribasi bilan tanishdi.
O'zbekiston Respublikasi Prezidenti Administratsiyasi rahbari Saida Mirziyoyeva Istanbul shahriga uyushtirgan safari chog'ida Najmiddin Bilol Erdog'an hamrohligida Ibn Xaldun universiteti hamda Yenidogu maktabining faoliyati bilan yaqindan tanishdi.
Ushbu ta'lim maskanlarida yoshlarning intellektual salohiyatini to'laqonli ro'yobga chiqarish, ularning mustaqil fikrlash ko'nikmalarini shakllantirish hamda o'quv jarayonidagi ta'lim sifatini oshirishga qaratilgan ilg'or yondashuvlar muhokama qilindi.
Saida Mirziyoyevaning qayd etishicha, Turkiya ta'lim tizimidagi to'plangan tajriba ikki davlatning tegishli muassasalari o'rtasidagi o'zaro sheriklikni yanada kengaytirish uchun yangi qadamlarni ochib beradi. Mazkur muloqot natijasida o'quvchilar, talabalar hamda pedagog kadrlar uchun qo'shimcha shart-sharoitlar va imkoniyatlar yaratish yuzasidan muhim kelishuvlarga erishildi.
Shuningdek, ta'lim sohasi O'zbekiston va Turkiya davlatlarining o'zaro hamkorligidagi asosiy ustuvor yo'nalishlardan biri ekanligi ta'kidlandi. Bu boradagi amaliy sa'y-harakatlar yosh avlodga sifatli ta'lim olish, o'z imkoniyatlarini yuzaga chiqarish hamda xorijdagi tengdoshlari bilan amaliy tajriba almashish imkonini berishi qayd etildi.
Manba: UzA
