O'zbekistonda 1-sinfga qabul qilingan bolalar soni 600 mingdan oshdi
2026-2027 o'quv yili uchun respublika bo'yicha 600 mingdan ortiq bola 1-sinfga qabul qilindi. Jarayonlar 31 iyulgacha davom etadi.
Maktabgacha va maktab ta'limi vazirligining ma'lumotlariga ko'ra, 2026-2027 o'quv yili uchun davlat umumta'lim maktablarining 1-sinfiga qabul jarayonlari davom etmoqda.
20 iyul holatiga ko'ra, respublika bo'yicha jami 600 065 nafar bola 1-sinfga qabul qilindi. Ularning 322 944 nafari onlayn tartibda, 277 121 nafari esa an'anaviy tarzda hujjat topshirgan.
Onlayn qabul jarayoni qamrovi
Joriy o'quv yilida mamlakatimizning 135 ta tuman va shahrida joylashgan 5 690 ta davlat umumta'lim maktabida qabul jarayonlari onlayn shaklda tashkil etilmoqda. Mazkur ko'rsatkich respublikadagi barcha umumta'lim maktablarining qariyb 60 foizini tashkil qiladi.
Vazirlik eslatib o'tishicha, mikrohudud doirasida 1-sinfga qabul qilish ishlari joriy yilning 31 iyuliga qadar davom etadi. Qabul jarayonlariga oid qo'shimcha savollar tug'ilganda fuqarolar Maktabgacha va maktab ta'limi vazirligining rasmiy Telegram boti orqali murojaat qilishlari mumkin.
Manba: Kun.uz
