Parkentdagi maktab kutubxonasiga yuzlab nomdagi kitoblar topshirildi
Parkent tumanidagi 31-sonli maktab kutubxonasiga 500 nomdagi kitoblar to'plami sovg'a qilindi.
Yosh avlodni kitobga mehr qo'ydirish hamda jamiyatda mutolaa madaniyatini yuksaltirish yo'lida qator ishlar amalga oshirilmoqda. Xususan, “Milliy tiklanish” kitob javoni” loyihasi doirasida respublikamizdagi ta'lim va maktabgacha ta'lim maskanlariga badiiy hamda ilmiy adabiyotlar jamlanmalari yetkazib berilmoqda.
Yangi kitoblar taqdimoti
Bu galgi xayrli tashabbus Parkent tumanidagi 31-sonli umumta'lim maktabini qamrab oldi. Mazkur ta'lim muassasasida o'tkazilgan “So'nggi qo'ng'iroq” bayrami tadbirida deputatlar va partiya Markaziy kengashi mas'ullari qatnashdi. Mehmonlar ta'lim maskani kutubxona fondini boyitish maqsadida 500 nomdagi turfa adabiyotlardan iborat to'plamni tantanali ravishda sovg'a qilishdi.
Pedagoglarning faoliyati e'tirof etildi
Tadbir davomida o'quv yili mobaynida “Tarbiya” fanini o'qitish jarayonlari qay darajada tashkil etilganiga alohida e'tibor qaratildi. Mazkur yo'nalishni yanada yaxshilash bo'yicha amaliy takliflar ilgari surgan tajribali o'qituvchi Alisher G'afforov partiyaning Markaziy kengashi tomonidan rag'batlantirildi.
Manba: UzA
