Toshkent viloyatida maktab maslahatchisi lavozimi uchun test sinovlari boshlandi

Toshkent viloyatida maktab maslahatchisi lavozimlariga da'vogarlik qilayotgan 662 nafar talabgor o'z bilim va malakasini sinovdan o'tkazishni boshladi. Hozirda viloyatdagi ilm maskanlarida ajratilgan 300 ta o'rin uchun eng munosib nomzodlar saralanmoqda. Vzirlar Mahkamasining 2025 yil 10 dekabrdagi Kelajak markazlari faoliyatini tartibga solishga qaratilgan ayrim normativ-huquqiy hujjatlarni tasdiqlash to'g'risidagi qaroriga muvofiq, Kelajak markazi direktori hamda o'quvchilar tashabbuslarini qo'llab-quvvatlash bo'yicha maktab maslahatchisi lavozimlariga ikki bosqichli sinov belgilangan.

Sinov jarayonlari va talablar

Ishtirokchilar belgilangan tartibga ko'ra, 90 daqiqa davomida jami 30 ta test topshirig'ini bajarishi talab etiladi. Mazkur imtihonlarda eng yuqori ball to'play olgan ishtirokchilar navbatdagi ikkinchi bosqich – suhbatda qatnashish huquqini qo'lga kiritadi. Imtihonlar ochiq va shaffof tarzda tashkil etilib, talabgorlarning bilimlari xolisona baholanmoqda. Toshkent viloyati Maktabgacha va maktab ta'limi boshqarmasi boshlig'i Shukur Burhonov jarayonlar qanday o'tayotganini shaxsan ko'zdan kechirdi.