Xalqaro fan olimpiadalarida g'olib bo'lgan o'quvchilar va ustozlar qancha mukofot oladi?
Nufuzli xalqaro fan olimpiadalarida medal olgan o'quvchilar va ularni tayyorlagan ustozlarga beriladigan pul mukofotlari miqdorlari ma'lum qilindi.
2024 yilda qabul qilingan qarorga binoan, nufuzli xalqaro fan olimpiadalarida, jumladan, matematika, fizika, kimyo, biologiya va informatika fanlari bo'yicha yuqori natija ko'rsatgan o'quvchilarga pul mukofotlari berilishi belgilangan.
Ushbu tartibga asosan, xalqaro miqyosdagi fan olimpiadalarida oltin medalni qo'lga kiritgan o'quvchilarga 2500 baravar, kumush medal uchun 1500 baravar hamda bronza medal sohiblariga 1000 baravar miqdorida bazaviy hisoblash miqdorida mukofot pullari to'lanadi.
Ayni paytda bazaviy hisoblash miqdori 412 000 so'mni tashkil etishini inobatga olsak, mazkur mukofotlar oltin medal uchun 1 milliard 30 million so'mni, kumush medal uchun 618 million so'mni, bronza medal uchun esa 412 million so'mni tashkil etadi.
Shuningdek, mazkur qoidaga muvofiq, xalqaro olimpiada g'oliblarini tayyorlagan ustozlar hamda terma jamoa rahbarlariga ham belgilangan me'yorlar asosida tegishli pul mukofotlari berilishi ko'zda tutilgan.
Manba: Kun.uz
