Xonobod shahar hokimi bitiruvchi yoshlar va dual ta'lim jarayonlari bilan tanishdi
Xonobod shahrida maktab va texnikum bitiruvchilari ishtirokida dual ta'lim tizimiga bag'ishlangan uchrashuv bo'lib o'tdi.
Andijon viloyatining Xonobod shahrida umumta'lim maktablari hamda texnikum bitiruvchilari uchun muloqot tashkil etildi. Unda shahar hokimi Elyorbek Abdurahmonov yoshlar bilan uchrashib, ularning ta'lim olishi va kasb egarlashi borasidagi masalalarni muhokama qildi.
Yoshlar siyosati va dual ta'lim imkoniyatlari
Uchrashuv davomida mamlakatimizda yoshlarning puxta bilim olishi, zamonaviy ko'nikmalarni egallashi hamda o'z salohiyatini yuzaga chiqarishi ustuvor vazifa ekanligi ta'kidlandi. Xonobod shahrida ham bu yo'nalishda qator ishlar amalga oshirilayotgani qayd etildi.
Muloqot chog'ida dual ta'lim tizimining ahamiyatiga alohida e'tibor qaratildi. Ta'lim jarayonini bevosita amaliyot bilan uyg'unlashtirish orqali yoshlar mehnat bozorida talab yuqori bo'lgan kasblar bo'yicha malakali mutaxassis bo'lib yetishishi mumkinligi tushuntirildi. Hozirgi kunda Xonobod shahridagi maktablar va texnikumlarning 700 nafardan ziyod bitiruvchisi aynan dual ta'limga qamrab olingani ma'lum qilindi.
Savol-javob va vazifalar
Ochiq va samimiy ruhda o'tgan muloqotda ishtirokchilar o'zlarini qiziqtirgan savollariga javob olishdi. Shuningdek, amaliy mashg'ulotlar, ishlab chiqarish korxonalari bilan hamkorlik va kasb-hunar egallash bo'yicha yaratilgan sharoitlar haqida batafsil ma'lumot berildi.
Uchrashuv yakunida yoshlarning tashabbuslarini qo'llab-quvvatlash, ularni foydali kasblarga yo'naltirish, bandligini ta'minlash hamda dual ta'lim ko'lamini yanada kengaytirish bo'yicha mas'ul rahbarlarga tegishli topshiriqlar berildi.
Manba: UzA
