Berdaq nomidagi Qoraqalpoq davlat universitetida 500 o'rinli yangi yotoqxona ochildi

Berdaq nomidagi Qoraqalpoq davlat universitetida O'zbekiston Respublikasi Mustaqilligining 35 yilligi arafasida yangi talabalar turar joyining ochilishiga bag'ishlangan tantanali tadbir bo'lib o'tdi. Mazkur zamonaviy bino 500 o'ringa mo'ljallangan.

Ochilish marosimi va ishtirokchilar

Tadbirda Oliy ta'lim, fan va innovatsiyalar vazirligi vakillari, universitet jamoasi, professor-o'qituvchilar, nuroniylar hamda talaba-yoshlar qatnashdi. Marosimda Berdaq nomidagi Qoraqalpoq davlat universiteti rektori Berdiyar Jollibekov so'zga chiqib, mamlakatda yoshlarning sifatli ta'lim olishi, kasb-hunar egallashi va ijtimoiy himoyasi yo'lida keng imkoniyatlar yaratilayotganini qayd etdi. Shuningdek, so'z olganlar ushbu bino oliygoh hayotidagi muhim voqea ekanini ta'kidlashdi.

Yaratilgan sharoitlar

Zamonaviy talablar asosida barpo etilgan yotoqxona 500 nafar talabani o'z bag'riga sig'dira oladi. Bu yerda yoshlarning yashashi, dars qilishligi, dam olishi hamda bo'sh vaqtini mazmunli o'tkazishi uchun barcha zarur shart-sharoitlar muhayyo qilingan. Ochilish marosimidan so'ng tadbir qatnashchilari binodagi xonalar va talabalar uchun yaratilgan imkoniyatlar bilan yaqindan tanishishdi.