Buxoro tumanida yangi davlat maktabgacha ta'lim tashkiloti ochildi
Buxoro tumanining Suvchiqar qishlog'ida 90 o'ringa mo'ljallangan yangi davlat bog'chasi foydalanishga topshirildi.
Buxoro tumani Talaliyon mahallasi Suvchiqar qishlog'ida 90 o'ringa mo'ljallangan 49-davlat maktabgacha ta'lim tashkiloti foydalanishga topshirildi.
Ochilish marosimi va islohotlar
Tantanali ochilish marosimida tuman hokimi Anvar Ochilov, mahalla nuroniylari va faollari, ota-onalar, pedagoglar hamda jamoatchilik vakillari ishtirok etdi. Tadbir davomida mamlakatimizda, jumladan, ta'lim va tarbiya sohasida amalga oshirilayotgan islohotlar natijasida hududlarda zamonaviy hamda qulay sharoitga ega bog'chalar soni ko'payib borayotgani qayd etildi.
Moliyalashtirish va qurilish
OPEK dasturi doirasida barpo etilgan mazkur muassasa qurilishiga 3,6 milliard so'm mablag' yo'naltirildi. Qurilish ishlari “Fast Quality Building” MCHJ tomonidan bajarildi.
Yangi maktabgacha ta'lim tashkilotida bolalarning ta'lim-tarbiya olishi, bo'sh vaqtini mazmunli o'tkazishi va har tomonlama rivojlanishi uchun barcha zarur sharoitlar yaratilgan. Shuningdek, muassasa zamonaviy jihozlar, o'quv-metodik qo'llanmalar, o'yin va dam olish vositalari bilan ta'minlandi.
Manba: UzA
