Farg'ona viloyati maktablarida o'quvchilar soni va xususiy ta'lim ko'rsatkichlari

Farg'ona viloyatida umumta'lim muassasalari va o'quvchilar soni bo'yicha ko'rsatkichlar kengayib bormoqda. Ayni paytda hududdagi 1 ming 158 ta maktabda 760 ming nafarga yaqin o'quvchi ta'lim olmoqda. Yangi o'quv yilining boshlanishi munosabati bilan viloyat maktablarining 1-sinfiga jami 85 ming nafar bola qabul qilindi.

Viloyatda nodavlat ta'lim sektori ham jadal rivojlanmoqda. Xususan, 2017-yilda hududda atigi 420 o'quvchi o'rniga mo'ljallangan bitta xususiy maktab faoliyat yuritgan bo'lsa, bugungi kunga kelib ularning soni 171 taga yetdi va 45 mingdan ziyod o'quvchi o'rni ochildi.

Iqtisoslashtirilgan maktablar va yuqori natijalar

Viloyatdagi ixtisoslashtirilgan maktablar o'quvchilarining xalqaro miqyosdagi yutuqlari ham ortib bormoqda. O'tgan o'quv yilida ushbu muassasalarning 71 nafar bitiruvchisi xalqaro grantlarni qo'lga kiritgan bo'lsa, joriy yilda bu ko'rsatkich ikki baravar ko'payib, 143 nafarni tashkil etdi. Shuningdek, Muhammad al-Xorazmiy maktabining Farg'ona filialiga o'qishga kirish imtihonlarida raqobat yuqori bo'lib, 1 ta o'ringa 115 nafar o'quvchi o'z bilimini sinovdan o'tkazdi.