Favqulodda vaziyatlar vazirligi akademiyasida yangi o'quv xonalari foydalanishga topshirildi

Favqulodda vaziyatlar vazirligi akademiyasida 1-oktabr — O'qituvchi va murabbiylar kuni munosabati bilan bayram tadbiri tashkil etildi. Tadbir avvalida faxriylar ta'lim dargohining o'quv bazasi bilan tanishib, yaratilgan sharoitlarni ko'zdan kechirdilar.

Yangi sharoitlar va imkoniyatlar

Tashrif doirasida kursantlarning amaliy ko'nikmalari va bilimlarini mustahkamlashga mo'ljallangan yangi o'quv xonasi hamda zamonaviy sharoitlarga ega kursantlar yotoqxonasi foydalanishga topshirildi. Mazkur ob'ektlarning ishga tushirilishi ta'lim sifatini yuksaltirish hamda kursantlarning yashash va o'qish sharoitlarini yaxshilash yo'lidagi navbatdagi qadam bo'ldi.

Bayramning rasmiy qismida favqulodda vaziyatlarning oldini olish va oqibatlarini bartaraf etish sohasida malakali kadrlar tayyorlashda ustoz hamda murabbiylarning o'rni alohida qayd etildi. Shuningdek, tadbir davomida faxriylar va yosh avlod vakillari o'rtasida muloqot o'tkazilib, ustoz-shogirdlik an'analari davom ettirildi.