Jizzaxlik universitet talabasi sambo bo'yicha Osiyo chempioni bo'ldi
Jizzax davlat pedagogika universiteti talabasi Sevinch Isroilova Filippinda o'tgan Osiyo chempionatida oltin medalni qo'lga kiritdi.
Filippin poytaxti Manila shahrida o'tkazilgan sambo bo'yicha kattalar o'rtasidagi Osiyo chempionatida o'zbekistonlik sportchilar yuqori natijani qayd etdi. Ushbu nufuzli qit'a birinchiligida Jizzax davlat pedagogika universiteti talabasi Sevinch Isroilova barcha raqiblarini yengib, chempionlik unvoniga sazovor bo'ldi.
Musobaqa tarixida ilk bor Filippin mezbonlik qilgan mazkur chempionatda Osiyo va Okeaniyaning eng kuchli sportchilari qatnashdi. Bahslarda 31 ta davlatdan 500 nafardan ortiq sportchi o'zaro kuch sinovlashdi. Jizzax viloyati hamda mamlakatimiz sport sharafini himoya qilgan Jizzax davlat pedagogika universiteti jismoniy tarbiya va sport fakulteti talabasi Sevinch Isroilova o'zining yuksak mahorati va irodasini ko'rsatdi.
Hal qiluvchi bahslar va g'alaba
Finalgacha bo'lgan barcha uchrashuvlarda raqiblaridan ustun kelgan hamyurtimiz hal qiluvchi bellashuvda ham o'z üstunligini saqlab qoldi. U o'z yo'nalishi bo'yicha birinchi o'rinni egallab, Osiyo chempioni va oltin medal egasiga aylandi.
Oliy ta'lim muassasasida tahsil olayotgan yoshlarning xalqaro maydonlarda muvaffaqiyat qozonishi mamlakatimizda sportni qo'llab-quvvatlash borasidagi ishlar samarasidir. Jizzax davlat pedagogika universiteti jamoasi va sport jamoatchiligi talabaning bu yutug'ini munosib kutib oldi.
Manba: UzA
