Kam ta'minlangan oilalar talabalari kontraktiga davlat yordami ajratiladi
2026 yil 1 fevraldan Kambag'al oilalar reyestriga kiritilgan oilalardagi talabalarga to'lov-kontrakt summasining 50 foizigacha qismi qoplab beriladi.
O'zbekiston qonunchiligiga muvofiq, 2026 yil 1 fevraldan boshlab "Yoshlar daftari" jamg'armalari orqali ko'rsatiladigan ayrim ijtimoiy yordam turlari Kambag'al oilalar reyestriga kiritilgan oilalardagi yoshlarga yoshlar ijtimoiy shartnomasi asosida taqdim etiladi.
Kontrakt to'lovlarini qoplab berish tartibi
Mazkur doirada, kasbiy va oliy ta'lim tashkilotlarida tahsil olayotgan o'quvchi hamda talabalar uchun to'lov-kontrakt summasining 50 foizigacha bo'lgan qismi qoplab berilishi belgilab qo'yilgan. Bunda to'lovlar o'quvchi yoki talaba bilan tuzilgan ijtimoiy shartnoma shartlarini bajarish darajasidan kelib chiqqan holda amalga oshiriladi.
Yordam miqdoriga cheklovlar
Qayd etilishicha, talabalar va o'quvchilarga taqdim etiladigan mazkur ijtimoiy yordamning umumiy miqdori bir o'quv yili uchun bazaviy hisoblash miqdorining 50 baravaridan oshmasligi lozim. Mazkur tartibni joriy etish masalasi O'zbekiston Respublikasi Prezidentining 2025 yil 20 noyabrdagi PF-222-son farmonida nazarda tutilgan.
Manba: Kun.uz
