Oksford universitetining o'zbek tili talabalari uchun mamlakatimizda yozgi maktab boshlandi
Oksford universitetida o'zbek tilini o'rganayotgan talabalar uchun O'zbekistonda yozgi maktab dasturiga start berildi.
O'zbekiston Prezidenti administratsiyasi rahbari Saida Mirziyoyeva ishtirokida 2025-yilda Oksford universitetida o'zbek tili dasturi ochilgan edi. Bugun, 31-avgust kuni mazkur dastur doirasida tahsil olayotgan Oksford talabalari uchun O'zbekistonda maxsus yozgi maktab tashabbusiga start berildi.
O'quv dasturi va safarlar
Bir oy davom etadigan ushbu muddat mobaynida Oksford talabalari yurtimizda o'zbek tili va madaniyatini chuqur o'rganishadi, shuningdek, respublikamizning boy tarixi bilan yaqindan tanishish imkoniyatiga ega bo'lishadi. Yozgi maktab dasturidan Toshkent, Samarqand hamda Buxoro shaharlariga safarlar tashkil etish, turli madaniy tadbirlar o'tkazish va o'zbek tili bo'yicha maxsus darslar o'rin olgan.
Unikal ta'lim dasturi
Ma'lumot o'rnida eslatib o'tamiz, Oksforddagi o'zbek tili dasturi qatnashchilariga nafaqat zamonaviy o'zbek tili, balki qadimgi o'zbek – chig'atoy tili ham o'rgatiladi. Mazkur yo'nalish Oksford universitetini o'quv dasturiga o'zbek va chig'atoy tillarini kiritgan dunyodagi birinchi va yagona oliy ta'lim muassasasiga aylantirgan.
Manba: Kun.uz
