Oliy ta'lim muassasalari talabalari uchun davlat stipendiyalari taqsimoti tasdiqlandi

Oliy ta'lim, fan va innovatsiyalar vazirligining 2026 yil 15 iyuldagi 02/10-5795-sonli xatiga asosan, respublikadagi oliy ta'lim tashkilotlari va ta'lim yo'nalishlari kesimida davlat stipendiyalarining taqsimoti tasdiqlandi. Tasdiqlangan ma'lumotlarga ko'ra, mamlakatimiz bo'yicha jami 776 ta davlat stipendiyasi ajratilgan bo'lib, ular quyidagi tartibda taqsimlandi:

• Prezident stipendiyasi - 187 ta;
• Islom Karimov stipendiyasi - 194 ta;
• Navoiy stipendiyasi - 175 ta;
• Bobur stipendiyasi - 51 ta;
• Imom al-Buxoriy stipendiyasi - 44 ta;
• Beruniy stipendiyasi - 38 ta;
• Ibn Sino stipendiyasi - 33 ta;
• Abdulla Avloniy stipendiyasi - 16 ta;
• Ulug'bek stipendiyasi - 13 ta;
• To'lepbergen Qaipbergenov stipendiyasi - 11 ta;
• Ibroyim Yusupov stipendiyasi - 11 ta;
• Pahlavon Mahmud stipendiyasi - 3 ta.

Kimlarga beriladi va qanday mezonlar asosida?

Mazkur nufuzli davlat stipendiyalari respublikamizdagi oliy ta'lim muassasalarida tahsil olayotgan jami 335 ming 471 nafar yuqori kurs talabalari orasidan eng munosib hamda yuqori natijalarga erishgan o'g'il-qizlarga tayinlanishi belgilangan.

Talabalarga stipendiyalar ularning o'qishdagi yuqori o'zlashtirishi, ilmiy va ijodiy faolligi, shuningdek, jamoat ishlaridagi faol ishtiroki kabi qat'iy mezonlar asosida maxsus tanlov yo'li bilan beriladi.