O'zbekiston Milliy universitetida birinchi bosqich talabalarini tantanali kutib olish marosimi o'tkazildi
O'zbekiston Milliy universitetida 2026/2027-o'quv yili uchun birinchi bosqichga qabul qilingan talabalarni kutib olish bayrami bo'lib o'tdi.
Yosh inson hayotidagi eng mas'uliyatli va muhim davrlardan biri bu talabalik bosqichi hisoblanadi. Chunki bu davr yangi kasb sirlari va bilim olish bilan bir қаtorda, mustaqil fikrlash hamda shaxsiy salohiyatni ko'rsatish imkonini beradi. Jumladan, mamlakatning yetakchi OTMlaridan biri bo'lgan O'zbekiston Milliy universiteti safiga qo'shilish yoshlar uchun katta mas'uliyatdir.
Universitetdagi bayram tadbiri
Joriy yilda O'zbekiston Respublikasi Mustaqilligining 35 yilligi hamda 2026/2027-o'quv yilida ilk bor talabalikka qabul qilingan yoshlarni qarshi olish maqsadida O'zbekiston Milliy universitetida maxsus bayram tashkil etildi. "Yagona Vatan, yagona xalq bo'lib, yangi hayot va kelajak yaratamiz!" deb nomlangan mazkur tadbir ko'tarinki ruhda o'tdi.
Ishtirokchilar va tabriklar
Ushbu tantanali marosimda oliygoh rahbariyati, taniqli akademiklar va olimlar, ilm-fan hamda adabiyot namoyandalari qatnashdi. Shuningdek, tadbirda O'zbekiston Yozuvchilar uyushmasi vakillari, professor-o'qituvchilar, talabalar, ularning ota-onalari va jamoatchilik vakillari hozir bo'ldilar.
Tadbir davomida O'zbekiston Milliy universiteti rektori Inom Majidov so'zga chiqib, yig'ilganlarni mamlakatimiz Mustaqilligining 35 yillik bayrami bilan qutladi. Shuningdek, u universitet oilasiga qo'shilgan yangi a'zolarni — birinchi kurs talabalarini ushbu maqom bilan samimiy tabrikladi.
Manba: UzA
