O'zbekiston oliygohlarida xorijlik talabalar uchun yangi davlat grantlari joriy etildi
O'zbekistonda xorijlik yoshlar uchun keng imkoniyatlar yaratilib, 500 nafargacha iqtidorli talabalarga bepul o'qish imkoniyati berildi.
So'nggi yillarda mamlakatimizda xorijiy yoshlarning ta'lim olishi uchun barcha qulayliklar kengaytirildi. Natijada O'zbekiston nafaqat mintaqa, balki jahon yoshlari, xususan Hindiston, Pokiston va qo'shni davlatlar vakillari uchun talab yuqori bo'lgan ta'lim markaziga aylanish jarayonida.
Jumladan, iqtidorli chet ellik yoshlar uchun davlat oliy ta'lim muassasalarida mutlaqo bepul tahsil olishni nazarda tutuvchi 500 nafargacha yangi davlat granti taqdim etildi. Qator oliygohlar qatori Muhammad al-Xorazmiy nomidagi Toshkent Axborot Texnologiyalari Universitetida ham chet ellik talabalar uchun barcha shart-sharoitlar muhayyo qilingan.
Xorijlik talabalar taassurotlari
O'zbek tiliga davlat tili maqomi berilgan sana arafasida mamlakatimizda tahsil olayotgan chet ellik talabalar bilan muloqot tashkil etildi. Ana shunday xorijlik yoshlardan biri turkmanistonlik talaba Mehriban Yuldasheva bo'lib, u O'zbekistonda o'qish orzusi bo'lganini ta'kidlab o'tdi.
Manba: UzA
