Prezident bilan uchrashgan surxondaryoilik o'quvchi grant asosida o'qishga qabul qilinadi
Surxondaryoda davlat rahbari bilan muloqot qilgan iqtidorli o'quvchi Termiz davlat universitetiga grant asosida o'qishga qabul qilinadigan bo'ldi.
Davlat rahbari Surxondaryo viloyatining Jarqo'rg'on tumanidagi "Yangi O'zbekiston" massivida bunyod etilgan 66-umumiy o'rta ta'lim maktabiga tashrif buyurib, pedagoglar hamda yoshlar bilan muloqot o'tkazdi.
Universitetda o'qish orzusi amalga oshdi
Muloqot chog'ida 2-guruh nogironi bo'lgan iqtidorli o'quvchi Feruza Jumagulova so'zga chiqib, Termiz davlat universiteti talabasi bo'lishni niyat qilganini ma'lum qildi.
Prezident tashabbusi bilan ushbu o'quvchi 2027-2028 o'quv yilidan boshlab oliy ta'lim muassasasiga to'g'ridan-to'g'ri davlat granti asosida qabul qilinishi belgilandi. Ushbu xushxabar maktab jamoasi va o'quvchining yaqinlariga yetkazilib, unga maxsus sertifikat topshirildi.
Mazkur tashabbus yurtimizda inklyuziv ta'limni rivojlantirish, yoshlarning ilm egallashi hamda ularning orzu-intilishlarini qo'llab-quvvatlash yo'lida amalga oshirilayotgan muhim qadamlardan biri bo'ldi.
Manba: Kun.uz
