Uchko'prik tumanida Navro'z bayrami munosabati bilan yangi maktab binolari foydalanishga topshirildi

Navro'z bayrami kunlari Uchko'prik tumanidagi "To'qsonqovun" mahalla fuqarolar yig'ini hududida joylashgan 35-umumta'lim maktabi uchun 420 o'ringa mo'ljallangan 3 qavatli yangi o'quv binosi foydalanishga topshirildi. Mazkur loyiha davlat investitsiya dasturi doirasida amalga oshirilgan bo'lib, unga 7 milliard 200 million so'm mablag' sarflandi. Shuningdek, ta'lim muassasasining mavjud 340 o'rinli binosi mukammal ta'mirlanib, zamonaviy qiyofaga keltirildi va hududda yangi mini stadion ham o'quvchilar ixtiyoriga berildi.

Yakkamulla mahallasidagi yangi bino

Shu bilan birga, "Yakkamulla" mahalla fuqarolar yig'inida joylashgan mazkur maktabning yana bir barcha qulayliklarga ega bo'lgan binosi o'quvchilarga sovg'a qilindi. 1965-yilda qurilgan va 90 o'ringa mo'ljallangan eski bino foydalanish uchun yaroqsiz holatga kelib qolgani sababli, investitsiya dasturi asosida 120 o'rinli zamonaviy bino qisqa fursatda qurib bitkazildi. Bu hudud aholisi va ota-onalar uchun katta quvonch olib keldi.