Yuridik mutaxassislik kurslari va akademiya bitiruvchilariga diplomlar topshirildi
Yuristik kadrlar tayyorlash instituti va Huquqni muhofaza qilish akademiyasi bitiruvchilariga davlat namunasidagi diplomlar berildi.
Yuridik kadrlarni qayta tayyorlash va malakasini oshirish institutida tashkil etilgan olti oylik yuridik mutaxassislik qayta tayyorlash kurslarini muvaffaqiyatli tamomlagan tinglovchilarga davlat namunasidagi diplomlar topshirildi. Oliy ma'lumotga ega bo'lgan shaxslar uchun mo'ljallangan ushbu o'quv jarayonida tinglovchilar davlat huquq nazariyasi, konstitutsiyaviy, fuqarolik, mehnat, ma'muriy va jinoyat huquqi yo'nalishlari bo'yicha nazariy bilimlarini mustahkamladi. Darslar tajribali professor-o'qituvchilar hamda amaliyotchi mutaxassislar ishtirokida zamonaviy yondashuvlar asosida olib borildi. Yakuniy davlat attestatsiyasidan muvaffaqiyatli o'tgan bitiruvchilar endilikda davlat xizmatlari markazlari, FHDYO organlari, yuridik xizmatlar, advokatura va notariat tizimida, shuningdek tijorat tashkilotlarida faoliyat yuritish imkoniyatiga ega bo'ldi. Mazkur dastur boshqa mutaxassislikdagi oliy ma'lumotli fuqarolarga qisqa muddatda huquqiy bilim olib, mehnat bozorida raqobatbardosh mutaxassis bo'lish imkonini beradi.
Huquqni muhofaza qilish akademiyasi bitiruvchilari
Shuning bilan birga, O'zbekiston Respublikasi Huquqni muhofaza qilish akademiyasida "Tergov faoliyati" yo'nalishi bo'yicha tahsil olgan ilk bakalavr bitiruvchilariga ham diplom topshirish marosimi tashkil etildi. Tadbir davomida yosh mutaxassislar oldida turgan vazifalar, xususan, qonun ustuvorligini ta'minlash, inson huquq va erkinliklarini himoya qilish hamda kasbiy halollik tamoyillariga sodiq qolish mamlakatimiz huquqni muhofaza qilish tizimini rivojlantirishdagi muhim ahamiyati qayd etildi.
Manba: UzA
