Zarafshon shahridagi maktabda kitob marafoni tashkil etildi
Zarafshon shahridagi 10-umumta'lim maktabida kitob marafoni o'tkazilib, kutubxonaga sara asarlar sovg'a qilindi.
2026-yil 18-aprel sanasida Zarafshon shahridagi 10-umumta'lim maktabida “Qadrdon maktabimga kitob sovg'a qilaman” loyihasi doirasida maxsus kitob marafoni o'tkazildi. Mazkur tadbirda o'quvchilar va ularning ota-onalari faollik ko'rsatishdi.
Kutubxona fondi boyitildi
Marafon natijasida ta'lim muassasasi kutubxonasiga umumiy qiymati 6 million so'mdan ortiq bo'lgan turli badiiy adabiyotlar taqdim etildi. Sovg'a qilingan kitoblar orasida o'zbek mumtoz va zamonaviy adabiyotining yorqin vakillari Abdulla Qodiriy, Cho'lpon, Abdulla Qahhor hamda G'afur G'ulomning sara asarlari mavjud. Shuningdek, fond jahon adabiyotining mashhur namoyandalari Chingiz Aytmatov, Jek London, F.Dostoyevskiy va Lev Tolstoyning ijod namunalari bilan ham to'ldirildi.
Bugungi kunda kitobxonlikni keng targ'ib qilishga qaratilayotgan e'tibor o'quvchi yoshlarning mutolaaga bo'lgan qiziqishini oshirishda muhim ahamiyat kasb etmoqda.
Manba: UzA
