ZARMED universitetida talabalarga yirik miqdordagi grant va stipendiyalar topshirildi

ZARMED universitetida talabalarni moddiy va ma'naviy qo'llab-quvvatlashga qaratilgan tantanali таqdirlash marosimi tashkil etildi. Ushbu tadbirda yoshlarga 1,5 mlrd so'mdan ortiq miqdordagi grantlar hamda maxsus stipendiyalar topshirildi.

Taqdimot jarayonida universitet rektori Dilshod Shukurlayev va boshqa mas'ul shaxslar ishtirok etib, o'quvchilarga maxsus sertifikatlar va esdalik sovg'alarini ulashdi. Shuningdek, talabalarning kayfiyatini ko'tarish maqsadida maxsus musiqiy kecha ham tashkil etildi. Ushbu bayramona dasturga mashhur estrada xonandalari Konsta hamda Ummon guruhi a'zosi Zohid taklif etildi.

Rag'batlantirish va kelajak istiqbollari

Universitet ma'muriyatining qayd etishicha, bunday qo'llab-quvvatlash choralari talabalarni kelgusida yanada yuksak marralarni zabt etishga, o'z salohiyatini to'laqonli namoyon qilishga hamda o'z sohasining yetuk mutaxassisi bo'lib yetishishiga xizmat qiladi. Zarmed universiteti o'zining zamonaviy infratuzilmasi, ta'lim sifatini ta'minlash hamda talabalarni rag'batlantirishdagi yondashuvlari bilan ajralib turadi.