2026/2027 o'quv yili uchun 1-sinfga qabul jarayonlari ikki bosqichda o'tkaziladi

Joriy yilda ham umumta'lim maktablarining 1-sinfiga o'quvchilarni qabul qilish jarayonlari ikki bosqichli tartibda amalga oshirilishi belgilandi. Mazkur jarayonlar Maktabgacha va maktab ta'limi vazirligi ma'lumotiga ko'ra tashkil etiladi.

Birinchi bosqich joriy yilning 20 iyunidan 31 iyuliga qadar davom etishi rejalashtirilgan. Ushbu muddat davomida ota-onalardan tushadigan arizalar faqatgina bolaning yashash manzili bo'yicha biriktirilgan mikrohudud doirasida qabul qilinadi.

Ikkinchi bosqichda esa mikrohududdan tashqari hududlar bo'yicha qabul jarayonlari yo'lga qo'yiladi. Bunda bolalarni maktablarga joylashtirish ta'lim muassasasida mavjud bo'sh o'rinlar soni hamda uning imkoniyatlaridan kelib chiqqan holda hal etiladi.

Shuningdek, «Ta'lim to'g'risida»gi qonun talablariga muvofiq, bolalar 7 yoshga to'ladigan yilda 1-sinfga qabul qilinishi belgilab qo'yilgan. Shu sababli, 2026/2027 o'quv yili uchun maktab ostonasiga qadam qo'yadigan bolalar 2019 yilning 31 dekabriga qadar tug'ilgan bo'lishi talab etiladi. 6 yoshga to'lgan bolalar uchun esa majburiy bir yillik maktabga tayyorlov guruhlari faoliyati yo'lga qo'yilgan.

Qonunchilik va tavsiyalar

Maktablarga onlayn arizalarni topshirish jarayonlari Hukumatning 2022 yil 1 iyundagi 295-son qarori bilan tasdiqlangan ma'muriy reglament asosida tartibga solinadi. Mas'ul idoralar vakillari ota-onalarga qabul mavsumi boshlanishidan oldin barcha zarur hujjatlarni oldindan tayyorlab qo'yishni hamda faqat rasmiy axborot manbalaridagi xabarlarni kuzatib borishni tavsiya qilishmoqda.