Al-Xorazmiy nomidagi fan olimpiadasining tuman va shahar bosqichlari nihoyasiga yetdi
Respublika bo'ylab 7-8 sinf o'quvchilari o'rtasida Al-Xorazmiy olimpiadasining tuman va shahar bosqichlari tashkil etildi.
Joriy yilning 28-30 yanvar kunlari yurtimiz bo'ylab 7-8 sinf o'quvchilari o'rtasida an'anaviy tarzda o'tkazib kelinayotgan Al-Xorazmiy nomidagi fan olimpiadasining tuman va shahar bosqichlari bo'lib o'tdi. Mazkur bellashuvlar aniq va tabiiy fanlar yo'nalishida tashkil etildi.
Olimipiadaning asosiy maqsadi va yo'nalishlari
Ushbu ta'lim tadbiri yoshlarning fanlarga bo'lgan qiziqishini kuchaytirish hamda ularning mantiqiy tafakkuri, tahliliy fikrlashi va bilimlarni amaliy qo'llash ko'nikmalarini rivojlantirishga xizmat qilmoqda. Musobaqa yakunlariga ko'ra, har bir sinfdan fanlar kesimida 1-, 2- va 3-o'rinlarni egallagan o'quvchilar navbatdagi viloyat bosqichida ishtirok etish huquqini qo'lga kiritadilar.
Navoiy viloyatidagi ko'rsatkichlar
Jumladan, Navoiy viloyati bo'yicha o'tkazilgan olimpiadaning tuman va shahar bosqichlarida jami 3688 nafar o'quvchi o'z bilimini sinovdan o'tkazdi. Ishtirokchilarning fanlar kesimidagi taqsimoti quyidagicha ko'rinish oldi:
- matematika yo'nalishida 1431 nafar o'quvchi;
- informatika yo'nalishida 855 nafar o'quvchi;
- tabiiy fanlar yo'nalishida 1402 nafar o'quvchi ishtirok etdi.
Manba: UzA
