Andijon viloyati hokimi maktab bitiruvchilari bilan uchrashdi

Andijon viloyati hokimi Shuhratbek Abdurahmonov Andijon shahridagi 1-umumta'lim maktabi bitiruvchilari bilan uchrashuv o'tkazdi. Muloqot davomida mamlakatda yoshlarning puxta bilim olishi, kasb-hunar o'rganishi hamda o'z salohiyatini yuzaga chiqarishi uchun keng imkoniyatlar yaratilayotgani, jumladan, Andijonda ham bu boramda keng ko'lamli ishlar bajarilayotgani qayd etildi.

Tadbirda viloyat rahbari yoshlar bilan ochiq muloqot qilib, ularning kelajakdagi rejalari, oliy o'quv yurtlariga kirish istaklari, kasb va yo'nalish tanlash borasidagi maqsadlari hamda takliflarini tingladi. Yoshlarning tashabbuslarini doimo qo'llab-quvvatlashini bildirgan hokim, maktabni bitirayotgan o'g'il-qizlar albatta biror kasb va xorijiy tilni egallagan holda hayotga qadam qo'yishi muhimligini ta'kidladi.

OTMlarga sayohatlar va bandlik masalalari

Uchrashuv yakunida mas'ullarga bitiruvchilar uchun viloyatdagi oliy ta'lim muassasalariga sayohatlar uyushtirish hamda ularning bandligini ta'minlash yuzasidan aniq topshiriqlar berildi. Shuningdek, viloyat hokimi yoshlarga kelgusi o'qish va ishlarida muvaffaqiyatlar tilab, yaratilayotgan sharoitlardan unumli foydalanishga chaqirdi.