Baxmal tumanida yangi o'quv yili arafasida ikkita maktab foydalanishga topshirildi

Jizzax viloyatining Baxmal tumanida yangi o'quv yili arafasida ta'lim maskanlarida keng ko'lamli bunyodkorlik ishlari amalga oshirildi. O'zbekiston Respublikasi Davlat mustaqilligining 35 yilligi munosabati bilan tumandagi ikkita ta'lim dargohi o'quvchilar ixtiyoriga topshirildi.

Yangi binolar va rekonstruksiya ishlari

Tumandagi 90-sonli umumta'lim maktabining yangi binosi noldan barpo etilib, bolajonlar uchun foydalanishga topshirildi. Ushbu maskanda o'quvchilarning chuqur bilim olishi, bo'sh vaqtini unumli o'tkazishi va har tomonlama kamol topishi uchun barcha zarur sharoitlar yaratildi. Shuningdek, 30-sonli umumta'lim maktabida ham keng ko'kamlida rekonstruksiya ishlari bajarilib, zamonaviy qiyofaga keltirildi. Bu yerda sinfxonalar, fan kabinetlari, kutubxona va boshqa infratuzilma obyektlari yangilanib, qulay ta'lim muhiti shakllantirildi.

Bayram tadbirlari

Ta'lim maskanlarining Mustaqillik bayrami arafasida ochilishi o'quvchilar va o'qituvchilar uchun qo'shaloq bayramga aylandi. Mazkur tadbirlarda tuman hokimi Aziz Ergashev qatnashib, yig'ilganlarni mamlakatimiz mustaqilligining 35 yilligi bilan samimiy tabrikladi. Baxmaldagi bu ikki ta'lim maskanida yangi o'quv yili boshlanib, sinfxonalarda o'quvchilarning ovozi yangray boshladi.