El-yurt umidi jamgarmasi 2026-yilgi 1-stipendiya tanlovi uchun 500 ta kvota ajratdi

El-yurt umidi jamgarmasi Boshqaruvi kengashining qaroriga asosan, nufuzli xorijiy oliygohlarning bakalavriat, magistratura hamda doktorantura bosqichlarida o'qish istagida bo'lganlar uchun 2026-yilgi birinchi ochiq stipendiya tanlovi boshlandi.

Kvotalar taqsimoti

Jamg'arma malumotiga ko'ra, 2026/2027-o'quv yili uchun chet elda tahsil olish maqsadida jami 500 ta o'rin ajratilgan. Shundan bakalavriat dasturlari uchun 167 ta, magistratura bosqichi uchun 232 ta, doktorantura uchun esa 38 ta kvota ajratilishi ko'zda tutilgan. Shuningdek, Prezident qarorlarida belgilangan vazifalarni bajarish doirasida yana qo'shimcha 63 ta kvota ajratilgan.

Hujjat topshirish tartibi

Tanlovda qatnashishni istagan nomzodlar uchun barcha shartlar teng va yagona tartibda belgilanadi. Hujjatlarni onlayn platforma orqali joriy yilning 24-apreliga qadar tunu kun, yani 24/7 rejimida taqdim etish mumkin.