Gulistonda maktab bitiruvchilariga oltin va kumush medallar topshirildi

Guliston shahrida 2025-2026-o'quv yilini muvaffaqiyatli yakunlagan umumta'lim maktablari bitiruvchilariga maxsus medallar topshirish marosimi bo'lib o'tdi. Shahar hokimligida uyushtirilgan tadbirda 37 nafar yoshlar oltin, 5 nafari esa kumush medal bilan taqdirlandi.

Taqdirlash marosimi va ko'rsatkichlar

Tantanali tadbirda shahar hokimi o'rinbosarlari Dilmurod Toshboyev hamda Azizaxon Payziyeva qatnashib, bitiruvchilarni tabrikladi. Joriy o'quv mavsumida Guliston shahridagi maktablarning 9-sinflarini 2015 nafar, 11-sinflarini esa 1734 nafar o'quvchi tamomladi. Ulardan 42 nafari barcha fanlarni a'lo baholarga o'zlashtirib, davlat mukofotiga sazovor bo'ldi.

Sertifikatlar va xorijiy OTMlar

Bitiruvchilarning bilim va faolligi milliy hamda xalqaro sinov natijalarida ham yaqqol ko'rindi. Xususan, 615 nafar o'quvchi jami 950 ta shunday sertifikatni qo'lga kiritdi. Qolaversa, 15 nafar o'quvchi maktabni tugatmasdan turib xorijiy oliy ta'lim muassasalariga talabalikka qabul qilindi.