Maktab bozorlarida narxlarni sun'iy oshirmaslik bo'yicha ogohlantirish berildi
Raqobat qo'mitasi maktab bozorlaridagi tadbirkorlarga mahsulot narxlarini asossiz oshirmaslik bo'yicha murojaat yo'lladi.
Yangi o'quv yili oldidan respublika bo'ylab umumta'lim maktablari, savdo komplekslari va dehqon bozorlarida maxsus mavsumiy savdo nuqtalari faoliyati yo'lga qo'yildi. Ushbu jarayonda tadbirkorlik subyektlariga mahsulotlar narxining asosli bo'lishi, ularning sifati hamda iste'molchilar huquqlariga qat'iy rioya etish zarurligi qat'iy eslatib o'tildi.
Ota-onalarga tavsiyalar
Qo'mita xarid davrida ota-onalar va o'quvchilarga har bir mahsulotning sifati, ishlab chiqaruvchisi, narxi va boshqa zarur ma'lumotlarga alohida e'tibor qaratishni tavsiya qildi. Xaridorlarga to'liq axborot berilishi va savdo qoidalariga amal qilinishi nazoratga olingan.
Agar fuqarolar savdo jarayonida narxlarni asossiz ravishda oshirish holatlariga duch keladigan bo'lsa, Raqobat qo'mitasining maxsus 1159 qisqa raqamli ishonch telefoniga murojaat qilishlari mumkinligi ma'lum qilindi.
Manba: Kun.uz
