Namanganlik kimyo o'qituvchisi 15 yillik faoliyati davomida minglab o'quvchilarni talabalikka yo'naltirdi
To'raqo'rg'on tumanidagi 7-maktab o'qituvchisi Mansurbek Mehmonxonov 15 yillik pedagogik tajribaga ega bo'lib, uning shogirdlari yuqori natijalarga erishmoqda.
Namangan viloyati To'raqo'rg'on tumanidagi 7-umumta'lim maktabining kimyo fani o'qituvchisi Mansurbek Mehmonxonov sohada 15 yillik tajribaga ega. U 2023-yilda kimyo fanlari bo'yicha falsafa doktori (PhD) ilmiy darajasini olgan. Shuningdek, pedagogning respublika va xalqaro miqyosdagi nashrlarda, jumladan, Fransiyaning Scopus bazasida indekslangan E3S Web of Conferences jurnalida 15 dan ortiq ilmiy maqolasi chop etilgan.
Ilmiy ishlanmalar va o'quv markazi faoliyati
Ustoz tomonidan tuzilgan 3 ta o'quv qo'llanma amaliy ahamiyat kasb etib, hozirda o'quvchilar tomonidan keng foydalanib kelinmoqda. U o'quv markazi rahbari sifatida ham faoliyat yuritib, shu vaqtgacha 3 mingdan ortiq yoshning xorijiy oliy ta'lim muassasalariga o'qishga kirishiga ko'maklashgan.
So'nggi yutuqlar
Joriy yilda ta'lim muassasasining 70 nafar bitiruvchisi milliy hamda xalqaro sertifikatlar natijalariga tayanib, muddatidan oldin talabalikka qabul qilindi.
Manba: UzA
