O'zbekiston tumanida yangi maktab binosi foydalanishga topshirildi

O'zbekiston tumani Tuyul mahallasidagi 36-umumta'lim maktabi uchun 660 o'rinli qo'shimcha yangi o'quv binosi qurilib, foydalanishga topshirildi. Bu haqda Navro'z bayrami arafasida ma'lum qilindi.

Ma'lumot o'rnida, Tuyul qishlog'idagi bundan 57 yil oldin qurilgan eski maktab binosi atigi 320 o'quvchi o'rniga mo'ljallangan edi. Biroq yillar davomida hududda o'quvchilar soni ortib, oxirgi vaqtlarda 800 nafardan ziyod bolalar bir necha smenada o'qishga majbur bo'layotgan edi. Bu esa qo'shimcha binoga bo'lgan ehtiyojni keskin oshirgandi.

Yangi binoning imkoniyatlari

Investitsiya dasturi doirasida barpo etilgan to'rt qavatli zamonaviy va namunaviy loyihadagi o'quv binosi uchun 11 milliard so'm miqdorida mablag' yo'naltirildi. Yangi ta'lim maskanida o'quvchilarning chuqur va sifatli bilim olishlari uchun barcha qulay shart-sharoitlar muhayyo etildi.