O'zbekistonlik o'quvchilar Xalqaro Jautikov olimpiadasida 14 ta medalni qo'lga kiritdi

Qozog'istonning Olmaota shahrida matematika, fizika va informatika fanlari bo'yicha 22-Xalqaro Jautikov olimpiadasi tashkil etildi. Joriy yilning 10-15 yanvar kunlari bo'lib o'tgan ushbu nufuzli musobaqada 15 ta davlatdan jami 700 nafardan ortiq o'quvchi qatnashdi. Mazkur xalqaro bellashuvda ishtirok etgan O'zbekiston terma jamoasi a'zolari muvaffaqiyatli qatnashib, jami 14 ta medalni qo'lga kiritishdi.

O'quvchilarimiz qo'lga kiritgan medallar

Musobaqa natijalariga ko'ra, vatandoshlarimiz mamlakat hisobiga 2 ta oltin, 7 ta kumush hamda 5 ta bronza medalini qo'shishdi. G'olib o'quvchilar ro'yxati quyidagicha ko'rinish oldi:

Informatika fani bo'yicha:

• Jahonali Haydaraliyev (Muhammad al-Xorazmiy maktabi) — oltin medal;
• Ulug'bek Rahmatullayev (Namangan prezident maktabi) — oltin medal;
• Timur Kadirbergenov (Nukus prezident maktabi) — kumush medal;
• Jahongirshoh Avazxonov (Namangan prezident maktabi) — kumush medal;
• Humoyun Abduraupov (Muhammad al-Xorazmiy maktabi) — bronza medal;
• Isamiddin Baybolov (Muhammad al-Xorazmiy maktabi) — bronza medal.

Matematika fani bo'yicha:

• Elbek Zohidjonov (Toshkent shahar IMA Al-Xorazmiy IMI) — kumush medal;
• Rasulbek G'afforov (Toshkent shahar IMA al-Xorazmiy IM) — kumush medal;
• Dostonbek Rahmonqulov (Yangiyer tuman IM) — kumush medal;
• Abdulaziz Radjabov (Toshkent shahar IMA Al-Xorazmiy IMI) — kumush medal;
• Umarbek Ubaydullayev (Sergeli tumani ixtisoslashtirilgan maktabi) — bronza medal;
• Fayzulloh Tohirov (Toshkent shahar IMA al-Xorazmiy IM) — bronza medal;
• Durbek O'ktamov (Buxoro viloyati Vobkent tuman IM) — bronza medal.

Fizika fani bo'yicha:

• Muhammad Abdumalikov (Mirzo Ulug'bek nomidagi IM) — bronza medal.