Qoraqalpog'istonda maktabni a'lo baholarga bitirgan yoshlarga medallar berildi

Qoraqalpog'iston san'at saroyida umumta'lim maktablarini oltin va kumush medallarga tamomlagan o'quvchilarni taqdirlash marosimi tashkil etildi. Unda Qoraqalpog'iston Respublikasi Jo'qorg'i Kengesi raisi Amanbay Orinbayev nutq so'zlab, yoshlarni erishgan yutuqlari bilan tabrikladi. Tadbirda ta'kidlanishicha, mamlakatimizda yoshlarni har tomonlama qo'llab-quvvatlash, ularni bilimli hamda sog'lom etib tarbiyalash davlat siyosatining ustuvor yo'nalishlaridan biridir.

Bitiruvchilar va ularning yutuqlari

Joriy yilda Qoraqalpog'iston Respublikasida Maktabgacha va maktab ta'limi vazirligiga qarashli 735 ta ta'lim muassasasi, shuningdek, Prezident, ijod va 19 ta ixtisoslashtirilgan maktabni jami 27 ming 615 nafar yosh muvaffaqiyatli tamomladi. Mazkur bitiruvchilar orasidan 338 nafari oltin medal, 98 nafari esa kumush medal sohibi bo'ldi. Shuning bilan birga, 450 nafar o'quvchi muddatidan avval oliy o'quv yurtlariga talaba bo'lish baxtiga muyassar bo'ldi.

Tantanali marosim davomida ana shu iqtidorli o'g'il-qizlarga oltin va shuningdek kumush medallar topshirildi. Yakunda yig'ilganlarga san'at va madaniyat xodimlari tomonidan tayyorlangan maxsus konsert dasturi namoyish etildi.