Toshkentda YUNESKO shafeligida maktabgacha ta'lim markazi tashkil etiladi
Parijda Toshkentda YUNESKO shafeligidagi maktabgacha ta'limni rivojlantirish mintaqaviy markazini ochish bo'yicha bitim imzolandi.
YUNESKO bilan muhim kelishuv
Maktabgacha va maktab ta'limi vaziri E'zoza Karimova Parij shahrida YUNESKO bosh direktori Hoshim Al-Anani bilan uchrashuv o'tkazdi. Muzokaralar natijasida Toshkent shahrida YUNESKO shafeligida II-toifali Maktabgacha ta'limni rivojlantirish mintaqaviy markazini tashkil etish haqidagi bitim imzolandi.
Mazkur tashabbus ilk bor 2025-yil noyabr oyida Samarqand shahrida bo'lib o'tgan YUNESKO Bosh konferensiyasining 43-sessiyasi ochilish marosimi doirasida O'zbekiston Respublikasi Prezidenti Shavkat Mirziyoyev tomonidan ilgari surilgan edi.
Mintaqaviy ahamiyati va xalqaro hamkorlik
Osiyo va Tinch okeani mintaqasida ilk marotaba ochilayotgan ushbu markaz maktabgacha ta'lim sohasidagi islohotlarni xalqaro tajriba va ilg'or ekspertiza asosida qo'llab-quvvatlashga xizmat qiladi. Shuningdek, u mamlakatimizni erta yoshdagi ta'lim yo'nalishida mintaqaviy xab sifatida yuzaga chiqarishda muhim qadam bo'ladi.
Tadbir davomida YUNESKO bosh direktori Hoshim Al-Anani O'zbekiston rahbari Shavkat Mirziyoyevning tashkilot bilan hamkorlikni mustahkamlash borasidagi sa'y-harakatlarini hamda xalqaro ta'lim, fan va madaniyat sohasidagi tashabbuskorligini yuqori baholadi.
Manba: UzA
