2026/2027 o'quv yili uchun texnikumlarga qabul parametrlari tasdiqlandi
Kasbiy ta'lim agentligi 2026/2027 o'quv yili uchun 9-sinf bitiruvchilarining texnikumlarga qabul kvotalarini tasdiqladi.
Kasbiy ta'lim agentligi tomonidan 2026/2027 o'quv yili uchun 9-sinf bitiruvchilariga mo'ljallangan qabul parametrlari tasdiqlandi. Oliy ta'lim, fan va innovatsiyalar vazirligi ma'lumotiga ko'ra, respublika bo'ylab 516 ta texnikumda 152 ta kasb va mutaxassislik bo'yicha ta'lim olish imkoniyati yaratilgan.
Joriy yilda umumiy qabul kvotasi 184 207 nafarni tashkil etib, shundan kunduzgi ta'limga 130 247 ta, dual ta'limga esa 53 960 ta o'rin taqsimlangan. Shuningdek, umumiy kvotaning 1300 tasi 14 ta Ilg'or kasbiy mahorat texnikumlariga davlat granti asosida qabul qilish uchun ajratilgani alohida diqqatga molikdir.
To'liq davlat granti asosidagi ta'lim
Qayd etilishicha, joriy yilda 9-sinf bitiruvchilari uchun ajratilgan barcha kvotalar to'liq davlat granti asosida yo'lga qo'yilgan. Bu esa yoshlar uchun bepul ta'lim olish, zamonaviy kasb egallash hamda kelajakda barqaror ish o'rniga ega bo'lish imkoniyatlarini yanada kengaytiradi.
Manba: UzA
