Jizzaxlik mutaxassislar Qoraqalpogistondagi texnikum faoliyati bilan tanishdi
Jizzax viloyati vakillari Nukus shahridagi 1-son texnikumda bo'lib, professional ta'lim va dual ta'limni tashkil etish tajribasini o'rgandi.
Texnikumdagi o'quv jarayoni va shart-sharoitlar o'rganildi
Jizzax viloyat hokimining birinchi o'rinbosari Zafar Azimov boshchiligidagi iqtisodiy kompleks vakillari Qoraqalpog'iston Respublikasiga safar uyushtirdi. Tashrif doirasida mehmonlar Nukus shahridagi 1-son texnikum faoliyatini yaqindan ko'zdan kechirdi.
Uchrashuv davomida professional ta'lim maskanida yoshlarga zamonaviy kasb-hunar va mutaxassisliklarni o'rgatish hamda mehnat bozori talablariga javob beradigan kadrlarni tayyorlash yo'nalishidagi ishlar atroflicha muhokama qilindi. Shuningdek, texnikumdagi o'quv xonalari hamda amaliy mashg'ulot ustaxonalarining jihozlanish darajasi, talabalar uchun yaratilgan shart-sharoitlar ko'rib chiqildi.
Ish beruvchilar bilan hamkorlik va dual ta'lim masalalari
Tadbirda ta'lim muassasasining turli korxona, tashkilot hamda ish beruvchilar bilan aloqalari alohida muhokama markazida bo'ldi. Xususan, dual ta'lim tizimini samarali yo'lga qo'yish, talabalarning olgan nazariy bilimlarini ishlab chiqarishdagi amaliy ko'nikmalar bilan mustahkamlash mexanizmlari tahlil qilindi. Shu bilan birga, bitiruvchilarni kelgusida munosib ish o'rinlari bilan ta'minlash borasidagi ishlar bo'yicha tajriba almashildi.
O'rganishlar yakuniga ko'ra, hududlarda professional ta'lim sohasini yanada rivojlantirish, mavjud ilg'or tajribalarni o'rganish va ularni amaliyotga tatbiq etish yuzasidan o'zaro fikr almashildi.
Manba: UzA
