O'zbekistonda texnikumlar soni nechta va ular hududlar bo'yicha qanday taqsimlangan
2025/2026 o'quv yili boshiga kelib O'zbekistonda faoliyat yuritayotgan texnikumlar soni 712 tani tashkil etdi.
O'zbekistonda o'rta maxsus ta'lim tizimini rivojlantirish hamda yoshlarni zamonaviy kasb-hunarlarga o'qitish borasida qator ishlar amalga oshirilmoqda. Mehnat bozorida talab yuqori bo'lgan mutaxassislarni tayyorlashda texnikumlar muhim o'rin tutib, minglab yoshlarga kasbiy bilim va ko'nikmalar egallash imkonini bermoqda.
Milliy statistika qo'mitasi taqdim etgan ma'lumotlarga ko'ra, 2025/2026 o'quv yili boshlanishiga O'zbekistonda faoliyat olib borayotgan texnikumlar soni 712 taga yetgan.
Hududlar kesimidagi ko'rsatkichlar
Respublika bo'yicha eng ko'p texnikumlar Qashqadaryo viloyatida qayd etilgan bo'lib, ularning miqdori 71 tani tashkil qiladi. Keyingi o'rinlarni 70 ta texnikum bilan Samarqand viloyati va 69 ta ta'lim muassasasi bilan Andijon viloyati egallagan.
Shuningdek, Farg'ona viloyatida 66 ta, Surxondaryo hamda Toshkent viloyatlarining har birida 57 tadan texnikum faoliyat yuritmoqda. Qoraqalpog'iston Respublikasi va Namangan viloyatida esa bu ko'rsatkich 53 taga teng bo'lgan.
Qolgan hududlardagi texnikumlar soni quyidagicha taqsimlangan:
- Buxoro viloyati: 47 ta
- Xorazm viloyati: 43 ta
- Toshkent shahri: 37 ta
- Jizzax viloyati: 36 ta
Eng kam texnikumlar joylashgan hududlar sirasiga Navoiy viloyati 27 ta hamda Sirdaryo viloyati 26 ta ta'lim maskani bilan kirgan.
Manba: UzA
