Surxondaryoda maktabgacha va maktab ta'limi masalalari bo'yicha sayyor qabul o'tkazildi
Surxondaryo viloyatida o'tkazilgan sayyor qabulda ta'lim tizimiga oid qariyb 40 ta murojaat ko'rib chiqildi.
Surxondaryo viloyati maktabgacha va maktab ta'limi boshqarmasi boshlig'i Bekzod Toshpo'latov ishtirokida fuqarolar uchun navbatdagi sayyor qabul tashkil etildi. Ushbu uchrashuvdan ko'zlangan asosiy maqsad aholining ta'lim sohasidagi muammolariga yechim topish va tizimdagi dolzarb masalalarni hal etishdan iborat bo'ldi.
Murojaatlar mazmuni va hal etilish tartibi
Tadbir davomida maktabgacha va maktab ta'limi yo'nalishiga aloqador qariyb 40 ta murojaat atroflicha muhokama qilindi. Fuqarolar asosan ishga joylashish, ta'lim sifatini oshirish hamda pedagoglar faoliyati yuzasidan o'z savol va takliflarini bildirishdi.
Bildirilgan murojaatlarning 16 tasi joyning o'zida ijobiy yechim topdi. Ayrim masalalar bo'yicha esa amaldagi qonunchilik talablari asosida batafsil huquqiy tushuntirishlar va tegishli tavsiyalar berildi. Qo'shimcha o'rganish hamda vaqt talab etadigan murojaatlar alohida nazoratga olinib, ularning ijrosini ta'minlash yuzasidan mas'ul xodimlarga aniq topshiriqlar yuklatildi.
Manba: UzA
