Texnikum o'quvchilariga xorijda ishlash va sayohat qilish uchun ssuda ajratiladi
Texnikumlarning o'rta va o'rta maxsus ta'lim dasturi o'quvchilariga xorijda ishlash va sayohat qilish uchun ssuda beriladi.
Kasbiy ta'lim agentligi ma'lumotiga ko'ra, texnikumlarning o'rta va o'rta maxsus kasbiy ta'lim dasturlarida o'qiyotgan o'quvchilarga xorijda ishlash hamda sayohat qilish imkoniyati yaratilmoqda. Mazkur tashabbus doirasida Yevropa Ittifoqi davlatlari, Yaponiya, Janubiy Koreya, Buyuk Britaniya, AQSh, Kanada, Avstraliya va Yangi Zelandiyaga safarlar uyushtirilishi ko'zda tutilgan. Safar bilan bog'liq xarajatlarni qoplash maqsadida qaytarish sharti bilan beriladigan qarz mablag'i, ya'ni ssuda ajratish tartibi joriy etiladi. ## Raqamli baza va hamkorlik
Shuningdek, "Kasbiy ta'lim jarayonlarini boshqarish - EMIS RT" axborot tizimida o'quvchining kasbi va mutaxassislik yo'nalishi, ta'lim bosqichi hamda shakli, maqomi va baholari, shuningdek, texnikumning nomi, manzili va kodi kabi barcha ma'lumotlar to'liq aks ettiriladi. Migratsiya agentligi har yili 1-martga qadar ushbu dastur doirasida xorijiy ish beruvchilar bilan hamkorlik shartnomalarini imzolash choralarini ko'rishi belgilangan.
Manba: Kun.uz
