Ichki ishlar vazirligi Malaka oshirish instituti o'zining besh yilligini nishonladi

Ichki ishlar vazirligi Malaka oshirish institutida muassasa tashkil etilganining 5 yilligi munosabati bilan bayram tadbiri tashkil etildi. Ushbu ta'lim maskanida ichki ishlar organlari uchun professional kadrlar tayyorlash va o'quv jarayonlarini zamonaviy yondashuvlar asosida takomillashtirish borasida keng ko'lamli ishlar bajarib kelinmoqda.

Tantanali marosimda institutning besh yillik faoliyati davomida qo'lga kiritgan yutuqlari hamda yuqori malakali mutaxassislarni tayyorlashdagi ahamiyati alohida e'tirof etildi. Tadbirda Ichki ishlar vazirligining maxsus tabrigi o'qib eshittirilib, jamoaning samarali mehnati va ilg'or yondashuvlarni joriy etishdagi xizmatlari munosib baholandi. Shuningdek, ishtirokchilarga muassasaning bosib o'tgan yo'li, ilmiy-amaliy faoliyati hamda kadrlar tayyorlashdagi o'rniga bag'ishlangan taqdimotlar namoyish etildi.

Eсdalik nishoni va taqdirlash jarayoni

Marosim davomida yangi ta'sis etilgan "Malaka oshirish institutining esdalik nishoni" rasman e'lon qilindi. Ushbu mukofot bilan ta'lim muassasasi rivojiga o'z hissasini qo'shgan va fidokorona mehnati bilan ajralib turgan xodimlar taqdirlandi. Shuningdek, xizmatda yuqori natijalarga erishgan bir guruh tinglovchilar va faol xodimlarga esdalik sovg'alari topshirildi.