Maktabgacha va maktab ta'limi vazirligida istiqlol tengdoshlari taqdirlandi

Ta'lim tizimidagi mustaqillik tengdoshlari

Bugungi kunda Maktabgacha va maktab ta'limi vazirligi tizimida mustaqillik bilan tengdosh bo'lgan 23 290 nafar o'qituvchi, rahbarlar hamda xodimlar ta'lim dargohlarida samarali faoliyat olib bormoqda.

Ustozlarni taqdirlash marosimi

Shu munosabat bilan vazirlikda istiqlolga tengdosh bo'lgan 35 nafar ustoz va murabbiylar maxsus taqdirlandi. Tadbirda Maktabgacha va maktab ta'limi vazirining birinchi o'rinbosari Sherzod Karimov hamda O'zbekiston ta'lim va fan xodimlari kasaba uyushmasi Respublika kengashi raisi o'rinbosari Mahmud Boboyorov ishtirok etdi. Ular sohadagi islohotlar haqida so'z yuritib, pedagoglarni samimiy qutladi.

Uchrashuv davomida ishtirokchi ustozlarning soha rivoji haqidagi fikr-mulohazalari va takliflari tinglandi. Ularning kasbiy faoliyati davomida erishgan yutuqlari hamda samarali mehnati alohida e'tirof etilib, qimmatbaho sovg'alar topshirildi.